Halmashauri imeendelea kuhakikisha wananchi wake wanapata huduma bora za afya kwa kuzingatia Ilani ya Chama cha Mapinduzi Ibara ya 50 kwa kuhakikisha kuwa dhamira ya kuwa na wananchi wenye afya bora watakaoweza kushiriki katika shughuli mbalimbali za kiuchumi inafikiwa. Hii imefanyika kwa kutekeleza shughuli zifuatazo:-
Kuongeza idadi ya vituo vya afya kutoka 2 (Ilongero na Mgori) 2015/2016 kufikia vituo 3 mwaka 2019/2020 kwa kujenga miundombinu katika kituo cha afya Msange na upanuzi wa ujenzi wa miundombinu katika kituo cha Afya cha Mgori kwa mchanganuo ufuatao:-jumla ya fedha iliyopokelewa niTshs 1,100,000,000.00,(200,000,000.00 vifaa na tiba na 900,000,000.00 ujenzi).
Ujenzi wa Hospitali ya Wilaya uliogharimu kiasi cha Tshs. 1,500,000,000.00 kwa mwaka 2019/2020 ambao ni mafanikio makubwa sana katika uboreshaji wa vituo vya kutolea huduma za Afya.
Maambukizi ya UKIMWI/VVU kupungua kutoka 1.9% mwaka 2015/2016 hadi kufikia 1.3% kwa mwaka 2019/2020
Halmashauri ilipokea dawa na vifaa tiba kutoka Bohari ya dawa (MSD) vyenye thamani ya Tsh 555,165,004.16kwa ajili ya vituo vya kutolea huduma za afya 30 vya Serikali. Asilimia ya upatikanaji wa dawa ni 98%.
Uingiaji wa ubia na Sekta binafsi kutoa huduma za Afya ambapo Halmashauri iliingia mkataba na Hospitali ya St. Carolus-Mtinko tarehe 06/02/2018 ili kuitumia kama Hospitali Teule ya Wilaya. Kwa mwaka wa fedha 2018/2019 Halmashauri ilipeleka kiasi cha Tshs. 123,227,200 kutoka mfuko wa Afya wa Pamoja (Busket Fund) na kupelekea Hospitali kuanza kutoa huduma za Afya kwa gharama nafuu pamoja na kutoa huduma kwa akina Mama Wajawazito kujifungua bila malipo hivyo kupelekea idadi ya Akina Mama wanaojifungua kuongezeka kutoka 1,318 mwaka 2017/2018 hadi kufikia 2,015 mwaka 2019.
