BONANA LA UCHAGUZI LAFANYIKA UGHANDI

Posted on: July 7th, 2024

Bonanza la Uchaguzi limefanyika katika viwanja vya michezo Ughandi A ambapo Michezo ya Kuvuta kamba,Kufukuza Kuku, Riadha, kukimbia na gunia pamoja na timu nane za mpira wa miguu zimekipiga.

Akiongea kwenye Bonanza hilo lililoandaliwa na Mkurugenzi Mtendaji wa Halmashauri ya Wilaya ya Singida kupitia kitengo cha Uchaguzi, Diwani wa kata ya Ughandi Mhe.Rajab Issa Itiege amessema kwamba Bonanza hili kubwa limeazimishwa ili kutoa elimu ya mpiga kura kujiandaa na Uchaguzi wa Serikali za Mitaa utafanyika mwezi Novemba  mwaka huu ili kuwezesha wananchi kuchagua viongozi wao.Mhe. Itieghe amewaalika Wananchi wote kuhakikisha wanakwenda kujiandikisha taarifa zao kwenye daftari la kumbukumbu la mpiga kura ,amesisitiza kuwa vijana wote waliotimiza umri wa miaka 18 na ambao watafikisha umri huo kabla ya tarehe ya Uchaguzi kuhakikisha wanafika kwenye vitongoji vyao kujiandikisha  mara tu tarehe itakapo tangazwa.

Akiongea wakati wa akihitimisha Bonanza hilo Mkuu wa Kitengo cha Uchaguzi wa Halmashauri ya Wilaya ya Singida Ndg Anold Mbogoye amewataka wananchi kuhakikisha kuwa wanashiriki kuchagua viongozi wao ambapo ametaja sifa za mkazi yeyote wa kitongoji kuweza kupiga kura kuwa ni lazima mpiga kura awe ni Raia wa Tanzania,Ana umri wa miaka 18 au zaidi,Awe ni Mkazi wa Eneo la Kitongoji,Asiwe ni mgonjwa wa akili,na pia awe amejiandikisha kupiga kura katika Kitongoji husika