HALMASHAURI YA WILAYA YA SINGIDA YAIMARISHA MIUNDOMBINU YA ELIMU KWA KUSHIRIKIANA NA WADAU WA MAENDELEO

Posted on: January 17th, 2026

Halmashauri ya Wilaya ya Singida inaendelea kuimarisha miundombinu ya elimu kwa kushirikiana na wadau wa maendeleo, ikiwemo Kampuni ya Barrick Gold Mine Tanzania, ambayo kupitia mpango wake wa uwajibikaji kwa jamii inajenga bweni na vyumba vya madarasa katika Shule ya Sekondari Mwanamwema Shein.

Mradi huo, unaogharimu shilingi milioni 404.2, unatekelezwa kwa ufadhili wa Barrick Gold kwa lengo la kuboresha mazingira ya kujifunzia na kufundishia pamoja na kuongeza fursa za elimu bora kwa wanafunzi. Bweni linalojengwa linatarajiwa kuwahudumia wanafunzi 80, hususan wanaotoka maeneo ya mbali. Ushirikiano huo unaonesha juhudi za Halmashauri ya Wilaya ya Singida kushirikiana na sekta binafsi katika kuendeleza sekta ya elimu na kuchochea maendeleo ya jamii kwa ujumla.