HALMASHAURI YA WILAYA YA SINGIDA YAKABIDHI VIFAA VYA UFUGAJI NYUKI KWA VIKUNDI VYA VIJANA

Posted on: February 9th, 2026

Halmashauri ya Wilaya ya Singida, kwa kushirikiana na Mradi wa Kuboresha Mnyororo wa Thamani ya Mazao ya Ufugaji Nyuki (BEVAC), imekabidhi vifaa vya ufugaji nyuki kwa vikundi vya vijana na wafugaji nyuki viongozi wa Halmashauri. Vifaa vilivyokabidhiwa ni pamoja na mizinga ya nyuki 114, mavazi ya kinga 18, patasi za mizinga 8, visu vya kukatia asali (uncapping knives) 8 pamoja na mabomba ya moshi 8.

Aidha, wanufaika wa vifaa hivyo wameishukuru Halmashauri kwa msaada huo na kuahidi kuvitumia ipasavyo ili kuongeza uzalishaji wa asali na bidhaa nyingine zitokanazo na ufugaji nyuki. Zoezi hilo ni sehemu ya juhudi za Halmashauri ya Wilaya ya Singida katika kuendeleza sekta ya ufugaji nyuki kama njia endelevu ya kukuza uchumi wa wananchi pamoja na kuchangia katika uhifadhi wa mazingira.