HALMASHAURI YA WILAYA YA SINGIDA YAWAPONGEZA WALIMU KWA MAFANIKIO YA ELIMU YA MSINGI

Posted on: February 14th, 2026

Halmashauri ya Wilaya ya Singida leo, tarehe 14 Februari 2026, imefanya sherehe maalum za kuwapongeza walimu wake baada ya wilaya hiyo kushika nafasi ya kwanza kimkoa, kwa ufaulu wa 86.42% katika matokeo ya Mtihani wa Darasa la Saba mwaka 2025. Sherehe hizo zimefanyika katika Uwanja wa Bombadia, Manispaa ya Singida, zikihudhuriwa na walimu, viongozi wa elimu na wadau mbalimbali.

Uongozi wa halmashauri umeeleza kuwa mafanikio hayo yametokana na juhudi, ubunifu na kujituma kwa walimu, na kuwahamasisha kuendelea kuongeza bidii ili kudumisha na kuboresha ufaulu. Halmasha ya Wilaya ya Singida ina jumla ya shule za msingi 106 za serikali na zisizo za serikali. Mafanikio hayo yanatajwa kuwa chachu ya kuimarisha sekta ya elimu na kuendeleza ushirikiano wa wadau katika kuboresha mazingira ya kujifunzia na kufundishia kwa manufaa ya wanafunzi na jamii kwa ujumla.