HALMASHAURI YA WILAYA YA SINGIDA YAZINDUA BARAZA JIPYA LA WAFANYAKAZI

Posted on: February 3rd, 2026

Halmashauri ya Wilaya ya Singida leo tarehe 3 Februari 2026 imezindua rasmi Baraza Jipya la Wafanyakazi la Halmashauri hiyo, katika hafla iliyofanyika kwenye ukumbi mdogo wa Halmashauri. Uzinduzi huo uliwakutanisha wakuu wa idara na vitengo mbalimbali, wateule kutoka idara tofauti pamoja na wawakilishi wa vyama vya wafanyakazi vya CWT, TUGHE na TUCTA.

Katika kikao hicho, wajumbe wa baraza walifanya uchaguzi kwa njia ya kura ili kumchagua Katibu na Katibu Msaidizi wa baraza. Aidha, wajumbe walijadili bajeti za Halmashauri pamoja na masuala mbalimbali yanayohusu maslahi ya wafanyakazi kwa ujumla. Akizungumza wakati wa kikao hicho, Mwenyekiti wa kikao ambaye ni Afisa Kazi wa Mkoa wa Singida, Bw. Boniphace Ntalula, aliwaeleza wajumbe wapya majukumu ya baraza hilo na kusisitiza umuhimu wa kulitumia baraza hilo kama jukwaa la kutatua changamoto zinazowakabili wafanyakazi wa Halmashauri ya Wilaya ya Singida.