KAMATI YA FEDHA YATEMBELEA MIRADI YA MAENDELEO YENYE THAMANI YA SHILINGI 828,583,000

Posted on: February 6th, 2025

Kamati ya Fedha ya Halmashauri ya Wilaya ya Singida imetembelea miradi mbalimbali ya maendeleo yenye jumla ya thamani ya shilingi 828,583,000 ili kufuatilia maendeleo yake na kubaini changamoto zinazohitaji kutatuliwa.

Miradi iliyotembelewa ni pamoja na ujenzi wa uzio katika ofisi za Halmashauri ya Wilaya ya Singida, jengo la mochwari katika Hospitali ya Wilaya, madarasa mawili na matundu nane ya vyoo katika Shule ya Sekondari Kijota, vyumba vinne vya madarasa na matundu sita ya vyoo katika Shule ya Msingi Ughandi, vyumba vitatu vya madarasa na matundu sita ya vyoo katika Shule ya Msingi Muhuvi, ujenzi wa madarasa tisa na matundu nane ya vyoo katika Shule ya Sekondari Ughandi, pamoja na vyumba viwili vya madarasa na matundu nane ya vyoo katika Shule ya Sekondari Msisi. Ziara hii imelenga kufuatilia maendeleo ya miradi hiyo na kuweka maazimio ya utekelezaji wa maboresho kwa miradi inayokabiliwa na changamoto mbalimbali.