KAMATI YA SIASA WILAYA YA SINGIDA VIJIJINI YARIDHISHWA NA UTEKELEZAJI WA ILANI KATIKA MIRADI YA MAENDELEO

Posted on: February 20th, 2024

Kamati ya siasa ya Halmashauri ya Wilaya ya Singida Vijijini ikiongozwa na Mwenyekiti wake CCM Ndg. William Nyalandu na Katibu wa CCM Wilaya Ndg.Agatha Lubuva leo Februari 20,2024 wamefanya Ziara ya kutembelea miradi mbalimbali ya Maendeleo inayotekelezwa na Serikali awamu ya Sita katika Halmashauri ya Wilaya ya Singida na kujionea utekelezaji wake.

Miradi iliyotembelewa ni ujenzi wa Madarasa 4 Shule ya Msingi Kijota Kata ya Kijota ,Mradi wa Afya Kituo Cha Afya Makuro kata ya Makuro,Ujenzi wa Nyumba ya Walimu( 2 in 1) Shule ya Sekondari Mkimbii Kata ya Kinyeto, Mradi wa Nyumba 4 za Walimu Shule ya Sekondari Madasenga Kata ya Msange, Mradi wa Maji Mwiganji Kata ya Ngimu na Mradi wa Bweni Shule ya Sekondari Mwanamwema Shein Kata ya Mgori.

Aidha Kamati hiyo ya Siasa imempongeza Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kutoa Fedha nyingi kwa ajili ya Miradi ya Maendeleo hali inayopelekea Wananchi kupata Maendeleo kwa kasi kufuatia Utekelezaji wa Ilani ya  CCM. Pia imempongeza Mbunge wa Jimbo la Singida Kaskazini Mhe. Ramadhan Ighondo kufuatia kuwasemea wananchi Kero mbalimbali na Serikali kuzichukua huku Miradi mingi ya Maendeleo ikimiminika jimboni hapo kufuatia uwakilishi wake.