KATIBU TAWALA AWASIHI WAHUDUMU WA AFYA KUPUNGUZA VIFO VYA MAMA WAJAWAZITO NA WATOTO WACHANGA

Posted on: November 23rd, 2023

Hayo yamejiri leo tarehe 23/11/2023 wakati Katibu TAWALA wa Mkoa wa Singida  Mhe. Dkt Fatuma Mganga alipokuwa mgeni rasmi kwenye kikao Cha wataalam wa Afya ambao wanakutana  kwa siku mbili  katika Halmashauri ya Wilaya yaSingida,Mwahango kujadili kuhusu vifo vya akinamama Wajawazito na watoto wachanga.

Akiongea kabla ya kumkaribisha Katibu Tawala wa Mkoa kufungua kikao hicho ,Mganga Mkuu wa Mkoa Dkt. Victorina Ludovick amesema kikao hicho ni Kikao Cha huzuni sana kwa wataalam wa Afya ya Mama na Mtoto kwani pamoja na VIFO vinavyotokea lakini Serikali imeendelea kuboesha Mazingira ya Kazi kwa Wataalam hao kwa kutengeneza Miundombinu ya Majengo ,Usafiri, Vifaa tiba na wataalam wa Afya ambapo jitihada zote hizo zinawataka kuhakikisha kuwa Huduma ya Mama na Mtoto inaendelea kuboreka.

Katika Hotuba a yake ambayo ameitoa kwa niaba ya Mkuu wa Mkoa wa Singida, Mhe Dkt. Fatuma Mganga amesema kuwa Takwimu zinaonesha kuwa sababu nyingi za vifo vya kina mama wajawazito ni vile vinavyozuilika na ndiyo maana Serikali imeendelea kuboresha Mazingira ya Sekta ya Afya nchini kwa kuwapitia Miundombinu ,Vitendea kazi,Madawa na Wataalam ili waweze kufikia jamii na kutoa huduma Bora.

Amewaomba Waganga Wakuu wa Wilaya kuwa Mabalozi wazuri kwa jamii wanazozihudumia kwa kusukuma agenda za kujengwa ama kumalizia Zahanati zinazojengwa kwenye maeneo yao ili kuwezesha huduma za Mama na Mtoto kuwa karibu zaidi na Jamii.Hii itapelekea Wajawazito wengi zaidi kwenda kwenye vituo vya Afya na kumaliza Changamoto ya kujifungulia nyumbani.Mhe.Dkt Mganga amesisitiza Timu za uangalizi za Mkoa(RCHMT) na Wilaya(CHMT) kufanya kazi zao kwa weledi zaidi ili kubaini  Changamoto za Afya ya Mama na Mtoto na kuzipatia ufumbuzi kwa wakati.

Akiongelea kuhusu vifo vya watoto wachanga Mhe Dkt Mganga amesema kati ya Jan - Sept 2023 watoto wachanga 416 wamepoteza maisha,Takwimu ambayo imekuwa ikipanda kwa kila robo na hivyo amewataka wataalam hao kutumia kikao hicho kuweka Mikakati madhubuti itakayosaidia kupunguza vifo hivyo.

Akihitimisha Hotuba yake kwa Wataalam wa Afya Mkoa wa Singida Mhe Dkt Mganga amesema

"Daima tukumbuke kuwa Afya Bora ya Uzazi na Mtoto ni Msingi wa Maendeleo ya Taifa lolote na hasa Taifa letu la Tanzania"