KIHONGOSI AKAGUA MIRADI YA AFYA WILAYA YA SINGIDA

Posted on: January 19th, 2026

Katibu wa NEC, Itikadi, Uenezi na Mafunzo wa Chama cha Mapinduzi (CCM), Ndugu Kenan Kihongosi, leo amefanya ziara ya ukaguzi wa miradi ya maendeleo katika Halmashauri ya Wilaya ya Singida, ikiwemo Hospitali ya Wilaya ya Singida iliyopo Ilongero.

Katika ziara hiyo, Kihongosi alikagua jengo la wagonjwa mahututi (ICU) pamoja na miradi mingine ya afya yenye thamani ya zaidi ya shilingi milioni 300 ikiwemo ujenzi wa njia za kuunganisha majengo (walkway), jengo la kuhifadhia maiti (mortuary), theatre na wodi ya upasuaji. Akizungumza wakati wa ukaguzi huo, Kihongosi alisema hospitali hiyo ni ya kisasa na ina viwango vya juu vya utoaji wa huduma za afya. "Tumekuja leo kufanya ukaguzi wa hii hospitali yenu, ukiangalia kwa macho hapa unaona hii hospitali ni bora sana. Hospitali hii katika mataifa mengine hospitali hizi zipo maeneo ya mjini, sio vijijini," alisema