MADAKTARI BINGWA WA DKT SAMIA WATUA SINGIDA DC

Posted on: May 13th, 2024

Mkuu wa Wilaya ya Singida Mhe. Godwin Gondwe amewakaribisha Madaktari Bingwa wa Mama Samia ambao wanatarajiwa kufanya Tabibu za kibingwa kwa wagonjwa wa Halmashauri ya Wilaya ya Singida.Akiongea na Madaktari hao Mhe. Gondwe amemshukuru Rais wa Jamhuri ya Muungano wa Tanzania Dkt Samia Suluhu Hassan kwa kuwajali Wananchi na ameahidi kushirikiana na Timu hiyo ya Madaktari bingwa ili kuhakikisha kila muhitaji anafikiwa na kupewa huduma.

Akiongea kwa niaba ya Timu ya Madaktari, Dkt. Msumi (Daktari Bingwa wa Magonjwa ya Wanawake ) amesema ameambatana na Timu ya Madaktari bingwa wa Magonjwa ya Wanawake,Magonjwa ya Ndani,Magonjwa ya Watoto, Upasuaji/Mkojo, Usingizi na Ganzi 

Timu hiyo ya Madaktari bingwa itakuwepo katika Hospitali ya Wilaya ya Singida(Ilongero) kuanzia leo Jumatatu tarehe 13/05/2024 mpaka Ijumàa tarehe 17/05/2024