MADIWANI HALMASHAURI YA WILAYA YA SINGIDA WAAZIMIA KUMUONA WAZIRI WA NISHATI

Posted on: February 7th, 2024

MADIWANI HALMASHAURI YA WILAYA YA SINGIDA WAAZIMIA KUMUONA WAZIRI WA NISHATI

Hayo yamejiri tarehe 7/2/2024 kwenye kikao Cha Baraza la Madiwani lililokaa kwenye kikao maalum kujadili na kupitisha bajeti ya Halmashauri kwa 2024/2025 ambapo akisoma taarifa ya Tanesco, Meneja wa Mkoa Eng Damas alilieleza Baraza Hilo kuwa kwenye mpango kazi wao Halmashauri ya Wilaya ya Singida imepewa Vitongoji 15 tu kati ya Vitongoji 435 vilivyopo.

Wakijadili taarifa hiyo Waheshimiwa Madiwani walisema idadi ya Vitongoji iliyowekwa ni ndogo sana kulinganisha na Mahitaji na kwa kauli moja wameadhimia kwenda kumuona Waziri wa Nishati Mhe Dkt Doto Biteko  ili kumuelezea kero yao.

Awali akiongea kwenye Baraza Hilo lilohudhuriwa na Mkuu wa Wilaya,Viongozi wa Chama Tawala,  Mwakilishi wa Afisa Tawala wa Mkoa na Kamati ya Ulinzi na Usalama ya Wilaya Mhe Elia Digha ( Mwenyekiti wa Halmashauri) ameiomba Serikali kuangalia upya juu ya asilimia inayobaki Halmashauri baada ya makusanyo ya Kodi ya Majengo, kwani asilimia 20 inayoelekezwa kuchukuliwa na Halmashauri baada ya kuweza kukusanya Kodi ya Majengo kwa wakazi wa Halmashauri ni ndogo sana na haisaidii jitihada za ukusanyaji wa Mapato kwani Kuna Gharama kubwa kwenye kuendesha zoezi Hilo.Ameishauri Serikali kuipandisha Hadi asilimia hamsini ili kuweza kuinufaisha Halmashauri kama lengo la Serikali.

Mhe Elia pia amemshukuru Rais wa Jamhuri ya Muungano wa Tanzania Dkt Samia Suluhu Hassan kwa kuwezesha tena Halmashauri kupata Shilingi Bilioni moja na nusu(1.5176b) kwa ajili ya kutekeleza miradi ya Ujenzi wa Madarasa(53) na Matundu ya Vyoo(160) na kuwataka Waheshimiwa Madiwani kuhakikisha wanasimamia ipasavyo matumizi ya hela hiyo ili Miradi hii iweze kuisha kwa Wakati na kwa Ubora unaotegewa.