MHE. GONDWE AWATAKA MADIWANI KUWA MABALOZI WA STAKABADHI GHALANI

Posted on: August 21st, 2024

Mkutano wa Baraza la Madiwani kwa robo yan ne 2023/2024 umemalizika leo Tarehe 21/08/2024 katika Ukumbi wa Mikutano wa Halmashauri ya Wilaya ya Singida.

Akitoa salamu za Serikali  Mkuu wa Wilaya ya Singida amewataka Waheshimiwa Madiwani kuongeza juhudi ya kusimamia Ukusanyaji wa mapato kwani mapato yakiongezeka ndio Halmashauri itakavyoenda vizuri katika utekelezaji wa mipango yake, Mhe. Gondwe amewakumbusha wajibu wao wa kuendelea kutoa elimu kwa wakulima wa halmashauri kuwasihi  kuendelea kulima kilimo chenye tija kwa kufuata ushauri wa maafisa ugani, amesisitiza pia kuwakumbusha wanachi juu ya umuhimu wa kuwa na hiifadhi ya chakula ili kuepukana na tatizo la njaa,kwa upande wa wanafunzi walioko shuleni Mkuu wa wilaya amesisitiza kuendelea na zoezi la ugawaji chakula kwa wanafunzi wote ambapo amesema hilo likitekelezwa kikamilifu hali ya ufaulu kwa wanafunzi wa Halmashauri itaongezeka.Akihitimisha maelekezo ya serikali kuhusu mfumo mpya wa Stakabadhi Ghalani Mhe. Gondwe amewaomba waheshimiwa madiwani kwenda kuwa mabalozi wazuri wa Mfumo huu kwa wakulima wa sehemu wanazotoka.

“tulizoea kuona bei ya kilo moja ya dengu ikiwa ni kati ya shilingi mia tisa mpaka elfu moja mia moja ila tangu tumeanza(stakabadhi ghalani) tumeona kuwa bei ya chini ilikuwa shilingi elfu moja na mia tisa na hamsini lakini imekwenda mpaka shilingi elfu mbili mia moja kwa hivyo tunaona kuwa hili ni jambo ambalo linamnufaisha mkulima wetu”

Katika Mkutano huu uliodumu kwa siku mbili Waheshimiwa Madiwani wamepata nafasi ya kuchagua wajumbe wa Kamati zinazounda sekretarieti ya Baraza na kupokea Taarifa za utekelezaji wa kamati hizo kwa robo ya nne 2023/2024.

Akitangaza Matokeo ya kura zilizopigwa Mwenyekiti wa Halmashauri ya Wilaya ya Singida Mhe. Elia Digha alimtangaza Mhe Omary Mande Diwani wa Kata ya Mudida kuwa mshindi wa nafasi ya Makamu Mwenyekiti wa Halmashauri kwa kipindi kingine.

Pia Mhe Digha alitangaza Wenyeviti wa Kamati za Baraza kama ifuatavyo

• Kamati ya Uchumi, Mazingira na Ujenzi : Mwenyekiti ni Mhe. Bilali Yusuf
• Kamati ya Elimu, Afya na Maji :Mwenyekiti ni  Mhe Iddi R Kijida
• Kamati ya Kudhibiti Ukimwi : Mwenyekiti ni Makamu Mwenyekiti wa Halmashauri Mhe. Omari Mande