MWENGE WA UHURU 2024 WAWASILI SINGIDA DC.

Posted on: July 11th, 2024

Mwenge wa Uhuru 2024 umewasili leo tarehe 11/07/2024, ukitokea Wilaya ya Mkalama tayari kuanza kukimbizwa katika Halmashauri ya Wilaya ya Singida.

Mkuu wa Wilaya wa Singida Mhe. Godwin Gondwe amepokea Mwenge huo kutoka kwa Mkuu wa Wilaya wa Mkalama Mhe. Moses Machali. Akiongea wakati wa makabidhiano ya mwenge yaliyofanyika katika Kata ya Mziha Wilayani Mvomero Mkuu wa Wilaya wa Singida Mhe. Godwin Gondwe  amesema Mwenge wa Uhuru ukiwa katika Halmashauri ya Wilaya ya Singida utakimbizwa umbali wa Km119, na utapitia jumla ya Miradi 9 yenye thamani ya Tsh Bil. 6.7 ambapo miradi 7 itatembelewa na Miradi 2  itawekewa jiwe la msingi.

Miradi itakayotembelewa na Mwenge wa Uhuru 2024 ni Pamoja na Mradi wa Kikundi cha Vijana (Making Life) Kilichopo kitongoji cha Kilimo Kijiji cha Ughandi A kinachojishughulisha na ufugaji wa Asali, Mradi wa Ujenzi wa Jengo la ICU na Nyumba ya Watumishi(3 in 1) katika Hospitali ya Halmshauri ya Wilaya ya Singida iliyopo katika Kijiji cha sekoutoure kata ya Ilongero, Mradi wa Watoto wenye Uhitaji Maalum Ilongero, Mradi wa Ujenzi wa Barabara Ilongero – Mwahango, Ujenzi wa Jengo la Halmashauri ya Wilaya ya Singida lililopo katika Kijiji cha Mwahango, Ujenzi wa Mabweni 5 na Madarasa 12 na Matundu 12 ya vyoo Shule ya Sekondari Mwanamwema Shein.

Pamoja na Miradi hiyo Mwenge wa Uhuru 2024 utapata wasaa wa kujionea Juhudi za Halamshauri katika kukabiliana na Malaria , VVU na Hamasa ya Uchaguzi Serikali za Mitaa , Kongamano la Vijana, Masuala ya Lishe na Mapambano dhidi ya dawa za Kulevya.

Kaulimbiu ya Mbio za Mwenge wa Uhuru wa mwaka 2024 ni tunza mazingira na shiriki uchaguzi wa Serikali za Mitaa kwa ujenzi wa Taifa endelevu.