MWENYEKITI AIOMBA SERIKALI ITOE BEI ELEKEZI KWA ZAO LA ALIZETI

Posted on: May 23rd, 2023

Mwenyekiti wa Halmashauri ya Wilaya ya Singida Mh.Elia Digha ameiomba serikali kuingilia kati anguko la bei ya Zao la Alizeti kwa kutoa Bei elekezi itakayowalinda wakulima wa Zao hilo.

Zao la Alizeti ni mkombozi wa Wakulima wa Halmashauri ya Wilaya ya Singida ambapo kwa mwaka huu  2022/2023 wamekuwa na msimu mzuri na kushuudia mavuno mengi.Msimu uliopita Gunia la Alizeti liliuzwa kwa bei ya chini ya Shilingi Elfu hamsini lakini kwa msimu huu bei imeshuka mpaka Shilingi Elfu thelathini na tano.

Akifungua kikao hicho Mheshimiwa Mwenyekiti wa Halmashauri alisema " Kama Serikali imewahi kutoa bei elekezi ya zao la Pamba,Serikali imetoa bei elekezi ya zao la Chai,imetoa bei elekezi ya zao la Korosho Sasa tunaiomba itoe bei elekezi ya zao la Alizeti"