MWENYEKITI WA HALMASHAURI YA WILAYA YA SINGIDA MHE. ELIA DIGHA ASHIRIKI KATIKA MAHAFALI YA KIDATO CHA NNE SHULE YA SEKONDARI SINGITU

Posted on: October 8th, 2024

Mwenyekiti wa Halmashauri ya Wilaya ya Singida Mhe. Elia Digha ashiriki katika mahafali ya kidato cha nne shule ya Sekondari Singitu. Mahafali hayo yamefanyika leo tarehe 08/10/2024 shule ya Sekondari Singitu kata ya Mtinko, na kuhudhuriwa na Diwani wa kata ya Mtinko Mhe. Bilali Yusuf, wazazi pamoja na wageni mbalimbali.

Akiwa mgeni rasmi katika mahafali hayo Mhe. Digha ameahidi kuchangia vifaa vya ujenzi vyenye thamani ya shilingi milioni 15 katika ujenzi wa matundu 14 ya vyoo vya wasichana Shule ya sekondari Singitu iliyopo Kata ya Mtinko. Pia amewasihi wanafunzi hao wa kidato cha nne kuendelea na masomo baada ya kuhitimu kidato cha nne.

"Niwaase hawa vijana wanaomaliza kidato cha nne na kwenda kuanza kidato cha Tano, tunategemea muende mpaka chuo kikuu, niwaombe wazazi tumezoea mara nyingi kuacha wanafunzi wetu akimaliza shule tunadhani akiolewa ndio tumepata....nanyi wanafunzi msikubali kuhitimu kidato cha nne na kukaa mtaani." Amesema Mhe Digha