NAIBU KATIBU MKUU MWAMBENE AHIMIZA USHIRIKIANO SEKTA YA ELIMU

Posted on: January 29th, 2025

Naibu Katibu Mkuu Ofisi ya Rais, Tawala za Mikoa na Serikali za Mitaa anayeshughulikia Elimu, Atupele Mwambene amewataka Makatibu Tawala Wasaidizi wa Mikoa (Elimu) Wakuu wa Divisheni za Elimu ya Awali, Msingi na Sekondari kushirikiana katika utekelezaji wa majukumu yao ili kuwa na ufanisi mzuri utakaosaidia kutimiza malengo ya serikali kwenye sekta ya elimu.

Mwambene ameyasema hayo leo Januari 27, 2025 wakati akifungua kikao Kazi cha Tathmini ya Utekelezaji wa Shughuli za Elimu katika kipindi cha Julai hadi Desemba, 2024 kwa Makatibu Tawala Wasaidizi wa Mikoa (Elimu) Wakuu wa idara za Elimu ya Awali, Msingi na Sekondari kilichofanyika Mkoani Msingida.

Amesema watumie kikao hiko kutafakari kwa kina, kujengeana uzoefu, kubadilishana mbinu na kushirikishana katika masuala mbalimbali yanayohusu utendaji kazi na utekelezaji wa maelekezo na shughuli zote za serikali za sekta hiyo ili kuimarisha utekelezaji. Mwambene amesema kuwa serikali imefanya jitihada kubwa katika kuimarisha sekta ya elimu hususani katika shule za msingi na sekondari nchini na kuleta mafanikio mbalimbali ikiwamo kuongezeka kwa udahili wa wanafunzi katika ngazi mbalimbali ikiwemo sekondari kufikia 3,087,870 mwaka 2024 na shule za msingi kufikia 11,391,185 mwaka 2024.

Aidha, amewapongeza viongozi hao kwa kusimamia vigezo walivyowekeana vya kupimana na utendaji kazi ambavyo vimeongeza ufaulu katika mitihani ya kitaifa kwa Darasa la Nne kutoka asilimia 83.3 2023 hadi asilimia 86 mwaka 2024, Darasa la Saba kutoka asilimia 80.58 hadi asilimia 80.87 mwaka 2024.

“Kidato cha Pili kutoka asilimia 85.31 hadi asilimia 85.41 mwaka 2024, na Kidato cha Nne kutoka asilimia 89.36 mwaka 2023 hadi asilimia 92.37 mwaka mwaka 2024’’ amesema

Naye, Mkurugenzi, Idara ya Usimamizi wa Elimu, Ofisi ya Rais -TAMISEMI Dkt. Emmanuel Shindika amesema lengo la kikao hicho ni kufanya tathmini ya kina ya shughuli za elimu zilizopangwa kwa kipindi cha mwezi Julai hadi Desemba 2024.

Awali, Katibu Tawala Mkoa wa Singida Dkt. Fatuma Mganga ametoa wito kwa Maofisa hao kila mmoja katika eneo lake kubuni mbinu na utaratibu wa watoto kupata chakula shuleni