RAIS SAMIA AWAGUSA WANANCHI WA SINGIDA KASKAZINI KWA KUWAPATIA AMBULANCE

Posted on: November 20th, 2023

Mbunge wa Jimbo la Singida Kaskazini  Mhe. Ramadhan Ighondo amekabidhi gari ya dharura ya kubebea wagonjwa (Ambulance) kwa Mkuu wa Wilaya ya Singida Mhe. Paskasi Muragili. Gari hilo ni kati ya Magari 49 yaliyotolewa kwa wabunge awamu ya kwanza  kati ya magari 528 yaliyotolewa na Mhe. Rais Dkt. Samia Suluhu Hassan kwa wabunge wa majimbo yote nchini.

Akikabidhi gari hilo Mhe. Ighondo amempongeza Rais Samia Suluhu Hassan kwa upendo wake kwa wananchi wa Singida Kaskazini na amemuomba Mkuu wa Wilaya ambaye ni msimamizi wa shughuli za Serikali wilayani hapa kupeleka gari hilo kwenye maeneo yenye uhitaji mkubwa zaidi kulingana na taarifa alizonazo.

Mkuu wa Wilaya ya Singida akipokea gari hilo amempongeza Mheshimiwa Rais kwa kuinua sekta ya Afya kwa mipango mizuri na pia amemshukuru Rais Samia Suluhu Hassan kwa mapenzi yake ya dhati kabisa na wananchi wa Singida Kaskazini kwani kupokea gari hili ni upendeleo wa wazi kabisa kwa wana Singida Kaskazini.

“Huu ni upendeleo wa wazi kabisa anaotufanyia ni mapenzi ya dhati kabisa anayotuonyesha na sisi ili kuweza kutoa shukurani zetu lazima tumuonyeshe kwa kuonyesha kwamba vifo vya kina mama wajawazito vinapungua”