TATHMINI NA UFUATILIAJI WA UTEKELEZAJI WA MIRADI YA MAENDELEO.

Posted on: January 30th, 2026

Timu ya Menejimenti ya Halmashauri ya Wilaya ya Singida(CMT) ikiwa katika ziara ya ukaguzi wa miradi ya maendeleo inayotekelezwa katika maeneo mbalimbali ya Halmashauri. Miradi ya maendeleo iliyotembelewa ni pamoja na miradi ya elimu ikiwemo, madarasa 2 na matundu 6 ya vyoo katika Shule ya Msingi Ilongero, madarasa 8, matundu ya vyoo 18, jengo la utawala na kichomea taka katika Shule mpya ya Msingi ya Mkondo Mmoja, ambapo miradi yote hii inagharimu kiasi cha fedha cha shilingi milioni 359,400,000/=.

Miradi mingine ni madarasa 2 na matundu 6 ya vyoo katika Shule ya Msingi Msimihi, madarasa 2 na matundu 10 ya vyoo katika Shule ya Msingi Mwachambia, madarasa 4 na matundu 14 ya vyoo, katika Shule ya Msingi Ghata na mabweni 2 katika Shule ya Sekondari ya Maghojoa, ambapo miradi yote inagharimu kiasi cha shilingi milioni 404,400,000/=.

Vilevile,  Timu ya Menejimenti imetembelea mradi wa ujenzi wa njia za watembea kwa miguu (walkways) katika Hospitali ya Wilaya ya Singida, ambao umemalizika katika hatua ya kwanza yenye mita 235, utekelezaji wa mradi unaendelea katika hatua ya pili ili kukamilisha mita zote 818 zinazotakiwa kujengwa ili kuunganisha majengo ya OPD -Maabara - chumba cha upasuaji (Theatre) - wodi ya wazazi (Maternity) - wodi za watoto, wanaume, wanawake, - chumba cha wagonjwa mahutiuti (ICU) - jengo la kufulia - jengo la kuhifadhia maiti (Mortuary) na stoo ya dawa, ambapo gharama za mradi huo ni shilingi milioni 366,100,640/=.

Wito umetolewa na timu hiyo kwa wasimamizi wa miradi na mifundi, kuongeza kasi ya ujenzi, kuongeza nguvu kazi, kuzingatia ubora wa kazi, kushirisha wananchi katika kazi za ujenzi pamoja na kupanda miti kwaajili ya kutunza mazingira, ili kutimiza nia ya Serikali ya awamu ya sita, inayoongozwa na Mhe. Rais. Dkt. Samia Suluhu Hassan, ya kutoa fedha hizo ili kuboresha miundombinu na mazingira ya utolewaji wa huduma kwa wananchi.