TIMU YA UFUATILIAJI YATEMBELEA MIRADI YA MAENDELEO WILAYANI SINGIDA

Posted on: February 1st, 2025

Timu ya ufuatiliaji kutoka Ofisi ya Mkuu wa Mkoa wa Singida, kwa kushirikiana na wataalamu kutoka Halmashauri ya Wilaya ya Singida, imetembelea miradi mbalimbali ya maendeleo ndani ya halmashauri hiyo. Ziara hii imelenga kufanya tathmini ya utekelezaji wa miradi, hasa katika sekta za elimu na afya, kwa lengo la kubaini maendeleo yaliyofikiwa, changamoto zilizopo, na hatua zinazohitajika ili kuhakikisha miradi inakamilika kwa ufanisi.

Katika ziara hiyo, timu hiyo ilikagua miradi kadhaa, ikiwemo ujenzi wa bwalo la chakula na jiko la nje katika Shule ya Sekondari Ilongero, mradi wa ujenzi wa jengo la mochwari katika Hospitali ya Wilaya, ujenzi wa vyumba viwili vya madarasa, nyumba ya walimu (2-in-1) na mabweni mawili katika Shule ya Sekondari Sekoture, ujenzi wa matundu nane ya vyoo na madarasa matatu katika Shule ya Sekondari Ikhanoda, pamoja na ujenzi wa madarasa mawili na matundu nane ya vyoo katika Shule ya Sekondari Mwasauya. Ziara hii imetoa fursa kwa timu hiyo kujadiliana na watekelezaji wa miradi kuhusu hali ya miradi hiyo, changamoto wanazokumbana nazo katika utekelezaji wa miradi na nini kifanyike ili kuzitatua changamoto hizo