TIMU YA UKAGUZI KUTOKA KIKOSI CHA ZIMAMOTO NA UOKOAJI, YAFANYA UKAGUZI.

Posted on: October 2nd, 2025

Maafisa kutoka Kikosi cha Zimamoto na Uokoaji mkoa wa Singida, wakiongozwa na A/INSP. Boniface Faustine Wamlamba, ambaye ni Mkaguzi Msaidizi wa Jeshi la Zimamoto na uokoaji ngazi ya mkoa, wamefanya ukaguzi katika jengo la Ofisi ya Mkurugenzi wa Halmashauri ya Wilaya ya Singida wakiongozana na timu ya Wahandisi wa Halmashauri leo tarehe 2 Oktoba, 2025.

Ukaguzi huo umefanyika kwa lengo la kuimarisha kinga na tahadhari dhidi ya majanga ya moto, ikiwa ni utekelezaji wa takwa la kisheria kuwa ukaguzi ufanyike katika majengo ya Serikali na Binafsi ili kuhakikisha usalama wa eneo husika, ambapo ukaguzi umehusisha tathmini ya vifaa vya kuzimia moto, njia za kutokea dharura, pamoja na mifumo ya usalama inayohitajika kwa ajili ya kuokoa maisha na mali endapo majanga yatatokea. Maafisa wa kikosi hicho wamesema ukaguzi wa aina hiyo ni sehemu ya mkakati endelevu wa kuhakikisha taasisi zote zinakuwa salama, na kwamba ni wajibu wa kila taasisi kuzingatia masharti ya usalama kama yanavyotakiwa kisheria.