WASIMAMIZI NA WADAU WA UCHAGUZI WILAYA YA SINGIDA WAPEWA MAELEKEZO YA UCHAGUZI WA SERIKALI ZA MITAA, 2024

Posted on: September 26th, 2024

Wasimamizi wa uchaguzi ngazi ya kata na kijiji pamoja na wadau wa uchaguzi ambao ni viongozi wa dini na wawakilishi wa vyama vya siasa wamepewa maelekezo ya uchaguzi wa serikali za mitaa 2024, katika ofisi za Halmashauri ya Wilaya ya Singida iliyopo kijiji cha Mwahango.

Maelekezo hayo yanafafanua hatua zitazoongoza mchakato wa uchaguzi, kuanzia uandikishaji wa wapiga kura, uchukuaji na urejeshaji wa fomu za kugombea, uteuzi wa wagombea na terehe ya siku ya uchaguzi. Maelekezo hayo yanalenga kutoa muongozo ili kuhakikisha uchaguzi unafanyika kwa wazi, haki na usawa na kwa kuzingatia sheria zilizowekwa.

Katika kikao hicho Msimamizi wa uchaguzi, Halmashauri ya Wilaya ya Singida Nasoro Kitia amewasisitiza wasimamizi na wadau hao kuhakikisha wanawafikishia wananchi maelekezo hayo.