WAZIRI WA NCHI AZINDUA MAONESHO YA PROGRAMU ZA UWEZESHAJI KIUCHUMI MKOANI SINGIDA

Posted on: September 10th, 2024

Maonesho ya saba ya mifuko ya program za uwezeshaji wananchi kiuchumi kanda ya kati yaliyoanza tarehe 8 yamezinduliwa leo mkoani Singida ambapo yataisha tarehe 14 mwezi huu.

Akizindua maonesho hayo yaliyolenga kuwawezesha wananchi kupata fursa ya kukutana na wajasiriamali na taasisi zingine zinazohudumia jamii Waziri wa nchi ofisi ya waziri mkuu, sera bunge na uratibu William Lukuvi amesema maonesho haya yatatoa fursa nyingi kwa Mkoa wa Singida na kanda ya kati kwa ujumla.

Amesema wananchi wakiitumia fursa hii vizuri watajikwamua kiuchumi kwa kujifunza kutoka kwa wenzao ambao wameanza biashara wakiwa na mitaji midogo waliyowezeshwa au kukopa lakini kwa sasa wanafanya mambo makubwa.

Trilioni 6.8 zimetolewa na program za uwezeshaji wananchi kiuchumi ambapo serikali imeshusha riba katika shughuli za kilimo, mifugo na uvuvi ili wananchi waweze kumudu na kujiendeleza kiuchumi.

Waziri Lukuvi ametumia nafasi hii kuwaalika wananchi wengine wa Mikoa ya jirani kufika katika maonesho hayo ili kujipatia na kujionea fursa hii adhimu kutoka mifuko na sekta za programu za uwezeshaji na sekta zingine za umma na binafsi.

Awali akizungumza mkuu wa Mkoa wa Singida Halima Dendego amesema Mkoa wa Singida umepokea zaidi ya shilingi trilioni 1.9 katika kipindi cha miaka mitatu kutekeleza shughuli za maendeleo na pia kuweka mazingira magumu ya serikali kuchachusha uchumu na kuweka mazingira mazuri ya kibiashara.

Maadhimisho haya yanaongozwa na kauli mbinu isemayo shiriki uchaguzi wa serikali za mitaa unufaike na fursa za uwekezaji.