Video

• 

  MHE. GONDWE ASISITIZA UHUISHWAJI WA KAMATI ZA MAAFA KUIMARISHA MAWASILIANO

  August 13th, 2025

  Kamati za maafa kuanzia ngazi ya mtaa, kijiji, kata, tarafa, halmashauri, manispaa, na wilaya zimetakiwa kuhuishwa ili kuhakikisha taarifa za dharura na maafa zinafika ngazi za juu kwa haraka na ufanisi.Mkuu wa Wilaya ya Singida, Mhe. Godwin Gondwe, alitoa wito huo Januari 24, 2025, wakati wa Kikao cha Kamati ya Ushauri ya Wilaya (DCC) kilicholenga kujadili utekelezaji wa mpango wa bajeti wa mwaka 2023/2024 na mpango wa bajeti wa mwaka wa fedha 2025/2026.Kikao hicho, kilichofanyika katika Ukumbi wa Maktaba ya Mwenge Sekondari, kiliwaleta pamoja wadau kutoka Halmashauri ya Manispaa ya Singida na Halmashauri ya Wilaya ya Singida (Singida DC).

• 

  MKUU WA WILAYA YA SINGIDA ATOA WITO KWA WATAALAMU KUUNGA MKONO KILIMO CHA KISASA

  August 13th, 2025

  Mkuu wa Wilaya ya Singida, Mhe. Godwin Gondwe, amewataka wataalamu wa Halmashauri ya Wilaya ya Singida na Manispaa ya Singida kuwasaidia wakulima kuboresha kilimo chao kwa kutumia mbinu za kisasa. Amesisitiza umuhimu wa kutoa elimu kwa wakulima kuhusu mazao yanayofaa kulimwa kulingana na aina ya udongo uliopo katika maeneo yao. Aidha, amehimiza wataalamu kuwaelimisha wakulima umuhimu wa kujisajili ili kupata namba ya mkulima, hatua itakayowawezesha kufaidika na ruzuku zinazotolewa na serikali.Mhe. Gondwe ameyasema hayo Januari 24, 2025, katika Kikao cha Kamati ya Ushauri ya Wilaya (DCC) kilicholenga kujadili utekelezaji wa mpango wa bajeti wa mwaka 2023/2024 na mpango wa bajeti wa mwaka wa fedha 2025/2026.Kikao hicho, kilichofanyika katika Ukumbi wa Maktaba ya Mwenge Sekondari, kiliwakutanisha wadau kutoka Halmashauri ya Manispaa ya Singida na Halmashauri ya Wilaya ya Singida (Singida DC).

• 

  MHE. ELIA DIGHA AWASISITIZA WAVUVI WA MAKURO KUZINGATIA USALAMA WA MAJI

  August 13th, 2025

  Mwenyekiti wa Halmashauri ya Wilaya ya Singida, Mheshimiwa Elia Digha, ametoa wito kwa wavuvi kutoka Kata ya Makuro kuhakikisha wanavaa jaketi za kuzuia kuzama (life jackets) wanapoenda kuvua samaki ili kulinda usalama wao wanapokuwa majini.Akizungumza wakati wa ziara yake katika maziwa yaliyopo Kata ya Makuro, Mhe. Digha alieleza kuwa usalama wa wavuvi ni muhimu kwa maendeleo endelevu ya sekta ya uvuvi katika eneo hilo. Alibainisha kuwa ajali za maji mara nyingi hutokea kwa sababu ya kutozingatia tahadhari za kiusalama, ikiwemo kutovaa vifaa maalum vya kuhakikisha usalama wao wakiwa kwenye maji.