Halmashauri imeendelea kutekeleza shughuli zake za kiutawala kwa kuzingatia Ibara ya 145 juu ya uendelezaji wa Utawala bora, Demokrasia na Uwajibikaji. Halikadhalika Ibara ya 148 kuhusu Mamlaka ya Serikali za Mitaa na majukumu yake yamezingatiwa kwa kutekeleza yafuatayo:-
Ulipaji wa Mishahara. Kuanzia mwaka 2015/2016 hadi 2019/2010,taarifa za kiutumishi zimeboreshwa kwa kutumia mfumo wa Kiutumishi na Mishahara na mfumo wa uandaaji wa mishahara. Hakuna malalamiko yoyote kuhusiana na watumishi kukosa mishahara
Vikao vya Mabaraza ya Halmashauri, Vikao vya Kamati za Kudumu,vimefanyika kwa asilimia 99
Mikutano ya ngazi ya Vijiji naVikao vya ngazi ya kata (WDC),Kuanzia mwaka 2015/2016 hadi mwka 2019/2020 imefanyika kwa asilimia 86.
Upandishaji vyeo na ulipaji wa madeni ya Watumishi, Kuanzia mwaka 2015/2016 hadi sasa jumla ya watumishi 576 walipandishwa vyeo na kubadilishwa mishahara. Aidha jumla ya watumishi 66wa idara mbalimbali wamelipwa jumla ya Tsh.151,829,780.08/= ikiwa ni madeni ya Watumishi yanayotokana na malimbikizo ya mishahara.
Aidha madai ya Likizo za Walimu 757 wamelipwa kiasi cha Tsh.105, 575,800/=. Walimu 136 wamelipwa Tsh.143, 493,248/= Malimbikizo ya Mishahara (Arreas)na kiasi fedhaTsh.34, 254,800/=zimelipwa ikiwa ni madai ya nauli za wastaafu.
