Maeneo mengi duniani masuala ya ardhi yameonekana kuwa na migogoro iliyoleta maafa. Halmashauri kupitia Idara ya Ardhina Maliasili, imeendelea kuweka mipango madhubuti ya matumizi bora ya ardhi kwakushirikiana na wadau mbalimbali ambapo imeendelea kutoa elimu dhidi ya mipango ya matumizi bora ya ardhi. Kazi iliyofanywa ni pamoja na:-
Uandaaji Michoro ya Mipangomiji, Halmashauri imefanikiwa kuandaa michoro ya Mipango miji nne(4) katika maeneo ya Ilongero, Mtinko, Njiapanda ya Merya na Mnung’una ambayo tayari imeidhinishwa na baadhi ya maeneo tayari yamepimwa na kuandaliwa hati.
Mpango wa matumizi bora ya Ardhi na utoaji wa hati za kimila, Halmashauri imefanikiwa kuandaa Mpango wa matumizi bora ya Ardhi katika Vijiji tisa (9). Hata hivyo Halmashauri imeanza taratibu za kupima mashamba ya wananchi ili waandaliwe hatimiliki za kimila. Mpaka sasa hati 30 za kimila zimeshatolewa.
Utoaji wa maeneo ya uwekezaji na Viwanda vidogovidogo.
Halmashauri tayari imefanya uhamasishaji na uhalalishaji kwa baadhi ya Vijiji kutenga maeneo kwa ajili ya shughuli za viwanda vidogovidogo. Hadi sasa zimepatikana ekari 200 kwa ajili ya ujenzi wa viwanda.
Halmashauri ya Wilaya kwa kushirikiana na vijiji nane(8) imetenga eneo la uwekezaji wa kuzalisha umeme wa upepo kupitia kampuni ya upepo energy partiners Ltd ya kimarekani utafiti wa mradi huo umefanyika katika eneo la hekta 25,000 katika vijiji vya msikii, Kinyamwenda, Kinyagigi, Mwanyonye, Mipilo, Mangida, Kinyamwambo na Itaja. Eneo linaloombewa kibali cha uhawilishaji wa ardhi ya ujenzi wa mradi huu ni ekari 4,341.
Halmashauri ya Wilaya kwa kushirikiana na vijiji viwili (2) vya Nkwae pamoja na Njiapanda ya Merya imetenga eneo la stendikatika vijiji hivyo viwili ambapo stendi zitajengwa na kazi inaendelea.
Uanzishwaji wa Mji Mpya wa Kisasa eneo la Njiapanda ya Merya kandokando ya barabara iendayo Arusha:
Halmashauri imeandaa mchoro wa mpaka wa mji huo na michoro minne (4) ya Mipangomiji ambayo imezingatia ujenzi wa mji mpya wa kisasa katika eneo la Njiapanda ya Merya wenye jumla ya hekta 5,480. Jumla ya viwanja 725 vinatarajia kuuzwa kwa wananchi.
