Kamati ya Fedha Uongozi na Mipango yakagua Miradi ya maendeleo

Posted on: November 3rd, 2017

Kamati ya Fedha, Uongozi na Mipango ya Hamashauri ya Wilaya ya Singida tarehe 30.10.2017 imefanya ziara ya ukaguzi wa miradi ya maendeleo ambapo jumla ya miradi minne imetembelewa na kugaguliwa.

Miradi hiyo yenye thamani ya jumla ya TShs. 835,600,000 ni pamoja na:-

1. Ujenzi wa madarasa 4, ukarabati wa madarasa 4, ujenzi wa nyumba 2 za walimu, ujenzi wa matundu 10 ya vyoo na ununuzi wa madawati 84, meza 6 na viti 4 katika Shule ya msingi Mwakichenche. Mradi huu una thamani ya TShs. 101,000,000.

2. Ujenzi wa madarasa 4, mabweni 2, matundu 10 ya vyoo na ofisi 2 za walimu katika Shule ya msingi Mtinko. Mradi huu una thamani ya TShs. 216,600,000.

3. Ujenzi wa mabweni 2, madarasa 4, matundu 10 ya vyoo, ofisi 2 za walimu na utengenezaji wa viti na meza 160, vitanda 64 pamoja na ukarabati wa Maabara katika Shule ya Sekondari Mtinko. Mradi huu una thamani ya TShs. 259,000,000.

4. Ujenzi wa mabweni 2, madarasa 4, matundu 10 ya vyoo, ofisi 2 za walimu na utengenezaji wa viti na meza 160, vitanda 64 pamoja na ukarabati wa Maabara katika Shule ya Sekondari Ilongero. Mradi huu una thamani ya TShs. 259,000,000.