KIKAO CHA KUJADILI HATUA ZA UTEKELEZAJI WA UJENZI WA SOKO JIPYA LA VITUNGUU

Posted on: October 20th, 2025

Habari picha katika Kikao cha ujenzi wa Soko jipya la Vitunguu lililopo eneo la Kititimo ambacho kimejadili hatua za utekelezaji wa mradi huo mkubwa unaotarajiwa kuboresha mazingira ya wafanyabiashara. Katika kikao hicho,Mkuu wa Mkoa wa Singida, Mhe. Halima Dendego, ameagiza ushirikiano na ubora wa kazi kuhakikisha mradi unakamilika kwa wakati. Kikao hicho kilihudhuriwa na Mkuu wa Wilaya ya Singida, Mkurugenzi wa Manispaa ya Singida, Katibu Tawala wa Wilaya, Wajumbe wa Soko la Vitunguu, Afisa Mazingira, Afisa Maendeleo ya Jamii, Mtaalam wa Ardhi, wataalam kutoka TARURA, wakandarasi na wadau wengine wa maendeleo.  Wafanyabiashara wameeleza furaha yao kwa mradi huo unaolenga kuinua uchumi na kuboresha maisha yao.

Mradi huu wa ujenzi wa Soko jipya la Vitunguu unatarajiwa kuleta mageuzi makubwa katika sekta ya biashara mkoani Singida kwa kuboresha mazingira ya wafanyabiashara, kuongeza mapato ya Serikali, kutoa ajira kwa wananchi, pamoja na kuongeza thamani ya zao la vitunguu linalolimwa kwa wingi katika mkoa huo. Soko hilo pia litakuwa na miundombinu rafiki kwa watu wote, likiwa na huduma muhimu kama zahanati, maeneo ya mapumziko, michezo na huduma za kifedha, hivyo kuchochea ukuaji wa uchumi wa Mkoa wa Singida na kuchangia utekelezaji wa mpango wa kuifanya Singida kuwa Jiji la kisasa.