KUELEKEA MAADHIMISHO YA MIAKA 61 YA JAMHURI YA MUUNGANO WA TANZANIA.

Posted on: April 26th, 2025

Katibu Tawala wa Wilaya ya Singida, Bi. Naima Chondo, ameongoza watumishi wa Halmashauri ya Wilaya ya Singida pamoja na wananchi, kufanya usafi wa mazingira katika Kata ya Ilongero, kwenye maeneo ya Soko, Kituo cha Basi na Kituo cha Afya cha Ilongero.Shughuli hizo za usafi, zimefanyika kuelekea Maadhimisho ya Sherehe za Miaka 61 ya Muungano wa Tanganyika na Zanzibar, ambapo kilele cha maadhimisho hayo ni tarehe 26/04/2025.

Akizungumza na Watumishi na Wananchi waliojitokeza katika zoezi hilo la usafi, Bi. Naima Chondo ameeleza namna ambavyo Muungano ni wa muhimu, na vilevile amewashukuru viongozi wa serikali zote mbili, kwa namna wanavyodumisha Muungano.

“Muungano wetu unafaida sana, tunaheshimu na tunawashukuru viongozi wote, Tanzania Bara na Tanzania visiwani, kwa kuendelea kudumisha Muungano huu” Alisema Bi. Naima.

Akimuwakilisha Mkurugenzi wa Halmashauri ya Wilaya ya Singida, Mkuu wa Idara ya Utawala na Rasilimali watu, Bi. Janeth Mbugha, amewapongeza watumishi wote waliojitokeza, na amewasisitizia kulifanya zoezi hilo la usafi kuwa endelevu.

Kauli mbiu ya sherehe za Muungano mwaka huu inasema “ Muungano wetu ni Dhamana, Heshima na Tunu ya Taifa, Shiriki Uchaguzi Mkuu wa Mwaka 2025”.