MAAFISA WA NIDA WA UHAMIAJI MKOA WA SINGIDA, WATOA ELIMU KWA MADIWANI NA WATAALAMU WA HALMASHAURI YA WILAYA YA SINGIDA.

Posted on: May 8th, 2025

Afisa Msajili kutoka Mamlaka ya Vitambulisho vya Taifa (NIDA) Mkoa wa Singida Bi. Zera Josephat,  akiongozana na Maafisa kutoka Idara ya Uhamiaji, wametoa elimu kwa Madiwani na Waatalamu, wakiongozwa na Mwenyekiti wa Halmashauri ya Wilaya ya Singida, Mhe. Elia Digha, kuhusiana na zoezi la uandikishaji wa vitambulisho vya taifa na elimu ya uraia kwa ujumla, leo tarehe 8/5/2025 katika ukumbi mkubwa wa mikutano uliopo katika ofisi za Halmashauri.

Waheshimiwa madiwani wameelimishwa kuhusu matumizi ya viambata katika zoezi la uandikishaji wa vitambulisho, kwa mfano vyeti vya kuzaliwa na vyeti vya shule, ambapo, elimu hii imetolewa kufuatia zoezi la uandikishaji wa vitambulisho vya taifa litakaloanza tarehe 13/5/3025 hadi tarehe 22/5/2025, katika kata 5 za Halmashauri kwa awamu ya kwanza, ambazo ni Mudida, Makuro, Ngimu, Mughunga na Msange.

Vilevile, waheshimiwa madiwani wamepata nafasi ya kuuliza maswali na kutoa maoni pamoja nakupatiwa ufafanuzi kuhusiana na maswali hayo, pia wamesisitizwa  kwenda kuhamasisha wananchi katika kata zao kujitokeza kwa wingi pindi zoezi litakapoanza katika kata husika, kwani sambamba na uandikishaji, pia kutakuwa na ugawaji wa vitambulisho ambavyo viko tayari kwa wananchi waliojiandikisha awali, lakini hawakupata nafasi ya kwenda ofisi za NIDA kuvichukua.