MHE. GONDWE ATEMBELEA MIRADI YA MAJI YENYE THAMANI YA SH. MILIONI 874

Posted on: September 24th, 2025

Mkuu wa Wilaya ya Singida, Mhe. Godwin Gondwe, ametembelea miradi ya maji yenye thamani ya shilingi milioni 874 iliyopo katika Kijiji cha Makuro, Kata ya Makuro, na Kijiji cha Mpambaa, Kata ya Mtinko. Miradi hiyo inawanufaisha zaidi ya wananchi 9,000.

Akizungumza wakati wa ziara hiyo, Mhe. Gondwe aliwapongeza Wakala wa Usambazaji Maji na Usafi wa Mazingira Vijijini (RUWASA) pamoja na mkandarasi kwa usimamizi mzuri wa utekelezaji wa miradi hiyo. Pia alisisitiza umuhimu wa kuweka mikakati madhubuti ya kulinda na kuendeleza miradi hiyo ili iendelee kuwanufaisha wananchi kwa muda mrefu.