MHE KATAMBI AZINDUA MASHINDANO YA MICHEZO MBALI MBALI KUELEKEA MAADHIMISHO YA SIKU YA MEI MOSI

Posted on: April 22nd, 2025

 Naibu Waziri, Ofisi ya Waziri Mkuu, Kazi, Vijana, Ajira na Watu Wenye Ulemavu, Mhe. Patrobas Katambi, amezindua Mashindano ya Michezo mbali mbali leo Aprili 22, 2015 ikiwa ni kuelekea Maadhimisho ya siku ya Mei Mosi 2025 ambayo kitaifa yanafanyikia Mkoani Singida.Mashindano hayo yatahitimishwa rasmi Tarehe 30, Aprili. Katika uzinduzi huo Mhe Katambi ameeleza, michezo ni muhimu sana katika maisha yetu ili kujenga afya zetu lakini pia michezo inatufanya tuchangamke katika kufanya maamuzi na ni sehemu nzuri yetu wafanyakazi kujenga urafiki na kufahamiana.

Aidha, Katambi amesema serikali imetoa Fedha nyingi kuwekeza kwenye michezo kwasababu inaelewa na kutambua umuhimu wa michezo katika maisha yetu ya kila siku.

"Mhe. Rais ametoa Fedha nyingi kujenga viwanja kwenye mikoa mbalimbali ndani ya nchi yetu ikiwemo Arusha lakini pia uwanja wetu wa Mkapa umekarabatiwa vizuri kwasasa hiyo yote ni kuonesha umuhimu wa michezo hivyo tumuunge mkono Mama yetu ili tufike mbali" . Amesema Katambi.

Pia Katambi amebainisha kuwa Siku ya wafanyakazi Kitaifa ambayo itafanyika Tarehe 01 Mei, 2025 Mkoani Singida *Mhe. Dkt. Samia Suluhu Hassan Rais wa Jamuhuri ya Muungano wa Tanzania ndiye Mgeni Rasmi.