MKUTANO MAALUM WA MAANDALIZI YA MSIMU WA KILIMO, WILAYA YA SINGIDA.

Posted on: October 3rd, 2025

Mkuu wa Wilaya ya Singida, Mhe. Godwin Gondwe, ameongoza kikao maalum cha maandalizi ya msimu wa kilimo leo tarehe 3 Oktoba 2025. Lengo la kikao hicho ni kujadili namna ya kuimarisha sekta ya kilimo kwa kuhakikisha kuwa mikakati madhubuti ya utekelezaji wa shughuli za kilimo inatekelezwa kwa ufanisi na kwa wakati.

Mkutano huo uliofanyika katika ukumbi wa chuo cha Uhasibu Singida Mjini, uliwashirikisha wadau mbalimbali wa sekta ya kilimo, ambapo walijadili changamoto zinazowakabili wakulima, fursa zilizopo, pamoja na mbinu za kisasa za kuimarisha kilimo katika Wilaya ya Singida. Kwa mujibu wa Mhe. Gondwe, Serikali inaendelea kusimamia kwa karibu utekelezaji wa mikakati ya kilimo ili kuongeza tija na kuhakikisha wananchi wananufaika na shughuli zao za kilimo kwa kiwango cha juu.