MKUU WA WILAYA AFANYA MKUTANO WA HADHARA WA KUSIKILIZA KERO ZA WANANCHI

Posted on: July 8th, 2025

Mkuu wa Wilaya ya Singida, Mhe. Godwin Gondwe, akutana na wananchi wa Kijiji cha Migugu kilichopo katika Kata ya Mudida, leo tarehe 8 Julai, 2025 kwa lengo la kusikiliza na kutatua kero za wananchi, ambapo suala la mgogoro wa ardhi, limekuwa ni kero kubwa iliyotolewa na wananchi hao.

Mhe. Gondwe ameagiza timu ya Wataalamu wa Idara Ardhi na Maendeleo ya Makazi kutoka Ofisi za Halmashauri ya Wilaya ya Singida, kurudi tena kijijini hapo baada ya siku saba kutoka leo, ili kuonyesha mipaka katika eneo lenye mgogoro, kwa lengo la kumaliza kabisa mgogoro ya ardhi ambao umekuwa ni kero katika kijiji hicho.

Mbali na kusikiliza kero za wananchi, Mhe. Mkuu wa Wilaya amepata nafasi ya kuwasisitizia wananchi hao juu ya suala la umuhimu wa lishe kwa wanafunzi wa Shule za misingi na sekondari pamoja na suala la kujiunga na Bima ya Afya ili kuweza kuokoa familia zao. Vilevile wananchi wamepatiwa elimu kuhusiana na suala la rushwa, hususan katika kipindi muhimu cha uchaguzi.