MKUU WA WILAYA AZINDUA ZOEZI LA UGAWAJI VYANDARUA KWA SHULE ZA MSINGI

Posted on: October 27th, 2023

Mhe Mkuu wa Wilaya ya Singida Eng Paskasi Muragili Leo amezindua rasmi zoezi la ugawaji wa vyandarua kwa Wanafunzi wa Shule za Msingi za Halmashauri ya Wilaya ya Singida.Vyandarua hivyo vimetolewa na MSD kwa niaba ya Serikali ikiwa ni Jitihada za kuhakikisha Taifa linatokomeza ugonjwa wa Malaria.

Uzinduzi huo umefanyika katika Shule ya Msingi Igauri ambapo umehudhuriwa na Kamati ya ulinzi na usalama ya Wilaya ya Singida, Mwenyekiti wa Halmashauri ya Wilaya Mhe. Elia Digha pamoja na Kaimu Mkurugenzi Bi Janeth Mbugha. Jumla ya Vyandarua elfu hamsini na tisa vitagawiwa kwa Wanafunzi wote wa darasa la Kwanza mpaka la Sita kwenye Shule zote mia na moja za Msingi.