MKUU WA WILAYA YA SINGIDA AWAASA WALIMU KUEPUKA MIKOPO UMINZA

Posted on: March 22nd, 2025

Mkuu wa Wilaya ya Singida, Mhe. Godwin Gondwe, amewataka walimu kuepuka kukopa mikopo umiza inayoweza kuwa na madhara makubwa kwao kiuchumi. Badala yake, amewashauri kukopa kutoka taasisi zinazotambulika na serikali kwa usalama wa kifedha na ustawi wao.

Mhe. Gondwe alitoa wito huo wakati wa Mkutano Mkuu wa Chama cha Walimu Tanzania (CWT) tawi la Singida Vijijini, uliofanyika katika Ukumbi wa Lulumba, Manispaa ya Singida. Katika hotuba yake, aliwahimiza walimu kuwa makini katika maamuzi yao ya kifedha ili kuepuka matatizo yanayoweza kuathiri maisha yao na utendaji wao kazini.

Mkutano huu ulijumuisha walimu wote wa Shule za msingi na sekondari waliopo katika Halmashauri ya Wilaya ya Singida.