MWENGE WA UHURU WAZINDUA NYUMBA YA MWALIMU 2 IN 1

Posted on: July 19th, 2025

Mkimbiza Mwenge wa Uhuru Kitaifa, Comrade Ismail Ali Ussi, leo amezindua rasmi nyumba ya mwalimu aina ya 2 in 1 iliyopo katika Kijiji cha Pohama-Halmashauri ya Wilaya ya Singida. Uzinduzi huo ni sehemu ya ziara ya Mwenge wa Uhuru kutembelea, kukagua na kuzindua miradi ya maendeleo nchini.

Akizungumza wakati wa uzinduzi huo, Comrade Ussi amesisitiza umuhimu wa kutunza miradi ya maendeleo ili iweze kuleta tija kwa jamii kwa muda mrefu. Aidha, amewataka wananchi kushiriki kikamilifu katika kuilinda miundombinu hiyo kwa manufaa ya vizazi vya sasa na vijavyo. Nyumba hiyo ya walimu inalenga kuboresha mazingira ya kazi kwa walimu na kuongeza ufanisi katika sekta ya elimu.