MWENYEKITI WA HALMASHAURI YA WILAYA YA SINGIDA AMEFUNGA KIKAO CHA BARAZA LA MADIWANI KWA ROBO YA PILI.

Posted on: February 14th, 2025

Mwenyekiti wa halmashauri ya Wilaya ya Singida Mhe.Elia Digha akishirikiana na Mkurugenzi Mtendaji wa Halmashauri hiyo Bi.Ester Chaula, amefunga kikao cha Baraza la Madiwani kwa robo ya pili, kilichoketi leo tarehe 14/2/2025 ikiwa ni siku ya pili.

Katika kikao hicho waheshimiwa Madiwani wamewasilisha taarifa ya utekelezaji na utendaji wa Halmashauri, kwa kupitia Kamati za kudumu za Halmashauri na kupata nafasi ya kuuliza maswali ya papo kwa hapo na kupatiwa majibu na ufafanuzi kutoka kwa uongozi wa Halmashauri.

Kamati zilizowasilisha taarifa leo ni Kamati ya Fedha, Kamati ya huduma za uchumi, Kamati ya huduma za Jamii na Kamati ya Ukimwi, na taarifa zote hizo ziliazimiwa na wajumbe wote wa kikao hicho.