MWENYEKITI WA HALMASHAURI YA WILAYA YA SINGIDA AONGOZA KIKAO MAALUM CHA BARAZA LA MADIWANI

Posted on: February 27th, 2025

Mwenyekiti wa Halmashauri ya Wilaya ya Singida, Mhe. Elia Digha akishirikiana na Mkurugenzi Mtendaji wa Halmashauri Bi. Ester Chaula, ameongoza kikao maalum cha Baraza la Madiwani leo tarehe 27/2/2025 katika ukumbi wa mikutano wa Halmashauri.

Kikao hicho kimeketi kwa lengo la kujadili na kuhuisha mkataba wa uwekezaji wa mradi wa uzalishaji wa umeme wa upepo, utakaotekelezwa na kampuni ya Upepo Energy ndani ya miaka mitatu, katika vijiji nane vya Halmashauri ya Wilaya ya Singida.

Kikao hicho kimehudhuriwa na Maafisa kutoka katika Kampuni ya Upepo Energy, Viongozi wa kisiasa, Madiwani, Wenyeviti na Watendaji wa Vijiji ambako mradi huo utatekelezwa pamoja na Wataalamu kutoka katika Ofisi za Halmashauri.