MWENYEKITI WA HALMASHAURI YA WILAYA YA SINGIDA AONGOZA ZOEZI LA UPANDAJI WA MITI KATA YA MSANGE

Posted on: December 8th, 2024

Mwenyekiti wa Halmashauri ya Wilaya ya Singida, Mhe. Elia Digha ameongoza wataalamu kutoka Ofisi ya Mkurugenzi Mtendaji wa Halmashauri ya Wilaya ya Singida na viongozi wa Kata na Halmashauri ya Kijiji cha Msange katika zoezi la upandaji wa miti ngazi ya Halmashauri lililofanyika mapema leo tarehe 8/12/2024 katika eneo la ujenzi wa shule mpya ya Sekondari ya Msange,ikiwa ni kuelekea kilele cha maadhimisho ya Siku ya upandaji miti kimkoa, yanayotarajiwa kufanyika kesho tarehe 9/12/2024.

Akizungumza na viongozi hao, Mhe.Digha amepongeza mwitikio wa ushiriki wa zoezi hilo na pia amewasisitiza kuendelea kuhamasisha wananchi juu ya upandaji wa miti hata katika taasisi nyingine zikiwemo za dini kama Makanisani na Misikitini na katika taasisi nyingine binafsi kwani miti hiyo hutolewa bure na serikali.