TARI-ILONGA NA WAKULIMA WA KIJIJI CHA MATUMBO WAUNGANISHA NGUVU KUIMARISHA KILIMO CHA ALIZETI

Posted on: January 27th, 2025

Watafiti kutoka Taasisi ya Utafiti wa Kilimo Tanzania (TARI-Ilonga) iliyopo Morogoro, kwa kushirikiana na wakulima wa kijiji cha Matumbo katika Kata ya Makuro, iliyopo Halmashauri ya Wilaya ya Singida wameanzisha shamba darasa la alizeti katika kijiji hicho.

Zoezi hililililofanyika leo tarehe 27/01/2025 linalenga kutoa elimu kwa vitendo kwa wakulima kuhusu mbinu bora za kilimo cha alizeti, ikiwa ni pamoja na namna sahihi ya kupanda mbegu za alizeti, matumizi sahihi ya mbegu bora na mbolea hatua ambayo inalenga kuongeza uzalishaji na kuhakikisha wakulima wanapata mavuno mengi.

Akizungumza baada ya zoezi hilo, mmoja wa wakulima kutoka kijiji hicho aliwashukuru watafiti wa TARI-Ilonga kwa ujuzi waliowapatia wakulima. Aidha, alitoa rai kwa wakulima wengine kufika na kujifunza katika shamba darasa hilo, akieleza kuwa mafunzo hayo ni fursa muhimu ya kuboresha uzalishaji wa mazao ya alizeti.