Uzinduzi wa Msimu wa Kilimo 2022/2023 katika Halmashauri ya Wilaya Singida

Posted on: October 13th, 2022

Mhe. Mwenyekiti wa Halmashauri ya Wilaya Singida Ndugu Elia Digha akimuwakilisha Mkuu wa Wilaya ya Singida Mhe. Mhandisi Paskas Muragili katika uzinduzi  wa Msimu wa Kilimo kwa mwaka 2022/2023 uliofanyika Oktoba11, 2022 katika Kijiji cha Sagara, Kata ya Itaja.

Lengo kuu la uzinduzi ni kutoa uhabarisho kwa wakulimu juu ya kuanza kwa msimu wa shughuli za kilimo katika Halmashauri. Kupitiaa uzinduzi huu wakulima wamefahamishwa kuanza kwa shughuli mbalimbali za kilimo ikiwa ni pamoja na maandalizi ya mashamba, zana za

kilimo, mbegu, mbolea na viuatilifu. Ili kufanikiwa katika kilimo mkulima anapaswa kulima kwa kuzingatia kanuni za kilimo bora kama zinavyoelekezwa na wataalam wa kilimo.

Kanuni za kilimo bora ni kama ifuatavyo. 

i) Kutayarisha Mashamba mapema- kusafisha na kulima

ii) Kutumia mbolea- mbolea ya samadi na mbolea za viwandani

iii) Kutayarisha mbegu bora mapema; kwani katika Halmashauri ya Wilaya ya Singida msimu wa kilimo mvua huanza kunyesha kuanzia mwishoni mwa mwezi Novemba na kuisha mwezi Aprili kwa kila mwaka.

iv) Kupanda mapema na kwa nafasi zinazotakiwa

v) Kupalilia vizuri na kwa wakati

vi) Kudhibiti magonjwa, wadudu na ndege waharibifu wa mazao

vii) Kuvuna mapema na kwa wakati

viii) Kuhifadhi mazao vizuri.