VIJANA WA HALMASHAURI YA WILAYA YA SINGIDA WASHIRIKI MAFUNZO YA UFUGAJI NYUKI TABORA

Posted on: September 15th, 2025

Vijana kutoka Halmashauri ya Wilaya ya Singida wameungana na wenzao 60 kutoka mikoa ya Singida, Tabora na Shinyanga kushiriki mafunzo ya muda mfupi ya ufugaji nyuki yaliyofanyika katika Chuo cha Mafunzo ya Ufugaji Nyuki, Tabora, chini ya ufadhili wa mradi wa BEVAC.

Mafunzo hayo yamewawezesha vijana kujifunza mbinu na teknolojia za kisasa za ufugaji nyuki, ikiwemo utengenezaji wa mizinga ya kisasa, uchakataji na uongezaji thamani wa mazao ya nyuki, pamoja na kanuni za ubora na viwango. Aidha, washiriki wamepatiwa vifaa vya kufugia nyuki kama mizinga ya kisasa, bomba la moshi, mavazi ya kinga, patasi ya kizidulia asali (uncapping knife) ili kuwasaidia kuendeleza shughuli zao za ufugaji nyuki