VIONGOZI WILAYA YA SINGIDA WAPEWA MAFUNZO YA UWASILISHAJI NA UHAMASISHAJI WA MATUMIZI YA SENSA YA WATU NA MAKAZI YA MWAKA 2022

Posted on: July 8th, 2023

Mkuu wa Wilaya ya Singida Mhe. Mhandisi Paskas Muragili amefungua Semina ya Uwasilishaji Mafunzo na Uhamasishaji wa Matokeo ya Sensa ya Watu na Makazi ya Mwaka 2022 kwa Viongozi na Watendaji wa Wilaya ya Singida. Mafunzo hayo yaliyoshirikisha Makundi yote yamefanyika katika Ukumbi wa Mwenge Sekondari uliopo Halmashauri ya Manispaa ya Singida. Mafunzo haya yamehudhuriwa na viongozi mbalimbali wakiwemo Mwenyekiti wa CCM wilaya, Mbunge wa Singida Kaskazini , Mbunge wa Manispaa ya Singida,Mwenyekiti wa Halmashauri ya Manispaa na Mwenyekiti wa Halmashauri Singida Vijijini,Wajumbe Kamati ya Usalama ya Mkoa,Wajumbe Kamati ya Usalama ya Wilaya Sekretarieti ya Mkoa wakiongozwa na Katibu Tawala Mkoa, Wakurugenzi Watendaji wa Halmashauri ya Singida na Manispaa, Wakuu wa Taasisi, Waheshimiwa Madiwani , Wajumbe wa Kamati ya Sensa Wilaya, Wenyeviti wa Vijiji na Mitaa,Watendaji wa Kata, Vijiji na Mitaa,Watumishi ngazi ya Wilaya na Viongozi wa Dini ngazi ya Wilaya.

Akifungua mafunzo hayo Mkuu wa Wilaya ya Singida Mhe. Mhandisi Paskas Muragili amempongeza Mheshimiwa Rais wa Jamhuri ya Muungano wa Tanzania Mhe Dkt Samia Suluhu Hassan kwa kuamua kufanyika kwa Sensa ya Watu na Makazi ya 2022 ambayo ilifanyika kwa pamoja na Mazoezi mengine Mawili na kuwa imejibu maswali ya maeneo matatu yaani Sensa ya Watu, Sensa ya Makazi na Anwani za Makazi ambapo Mkoa wa Singida ni miongoni mwa Mikoa iliyofanya Zoezi hilo kwa Ufanisi mkubwa. Akiongelea kuhusu hadhara iliyoshiriki mafunzo hayo amesema imebidi kuita makundi yote hayo ya Viongozi na Watendaji kwani ni wajibu wao kwenda kufikisha uhabarisho kwa wananchi walioko chini yao na amewahimiza kuwa baada ya semina hii Viongozi wote wazungumzie matokeo ya Sensa katika mikutano yao ilikusudi wananchi waweze kuelewa na namna nzuri ya matumizi ya matokeo yake.

Nikimnukuu Mkuu wa Wilaya amesema “Ndugu viongozi  na washiriki mafunzo haya ya leo yana umuhimu wa kipekee kwa kuwa yameshirikisha viongozi na watendaji wa ngazi mbalimbali za utawala katika wilaya zetu, ambao kwa namna moja au nyingine tunashiriki katika kufanya maamuzi yanahusiana sana na mipango ya maendeleo ya wananchi wetu kwa upande mwingine ina maana tupo karibu sana na wananchi hivyo tunapojengewa uwezo wa kutumia matokeo ya sense tutakuwa na uwezo mzuri katka kutekeleza majukumu yetu ya kuwawakilisha wananchi na tutakuwa na uwezo mzuri wa kutekeleza majukumu yenu ya kuwatumikia wananchi.”

Mhe. Mhandisi Paskas Muragil ameisitiza  washiriki mafunzo haya yanayoekelezwa kwa mujibu wa mpango kazi wa uusambazaji wa Mafunzo ya Matumizi Bora ya Matokeo ya Sensa 2022 unaotokana na maono ya Serikali ya Awamu ya Sita chini ya Kiongozi wetu mpendwa Mhe. Dkt Samia Suluhu Hassan Rais wa Jamhuri ya Muungano wa Tanzania kuweza kuhakikisha kuwa anafahamu vyema kutumia matokeo ya sensa katika kufaya maamuzi na kusimamia utekelezaji wa mpango mbalimbali ya maendeleo kwenye maeneo yetu.