WAFUGAJI WA NYUKI SINGIDA WAPATIWA MAFUNZO YA VITENDO TABORA

Posted on: April 18th, 2025

Wafugaji viongozi kutoka vikundi nane vya Halmashauri ya Wilaya ya Singida wamepatiwa mafunzo ya vitendo ya ufugaji wa nyuki katika msitu wa mafunzo wa Simbo, uliopo Wilaya ya Uyui, mkoani Tabora.

Mafunzo hayo yamelenga kuwajengea uwezo wafugaji hao kusimamia mashamba darasa ya ufugaji nyuki, kuongeza uzalishaji, kuhamasisha matumizi ya teknolojia, pamoja na kupata ujuzi na maarifa mapya ya ufugaji wa nyuki. Pia, washiriki wamefundishwa mbinu bora za utunzaji wa kumbukumbu za shughuli za ufugaji ili kuwasaidia wafugaji wengine.

Mafunzo hayo yameshirikisha pia wafugaji na wataalamu kutoka wilaya za Ikungi, Ushetu, Itigi pamoja na Chuo cha Mafunzo ya Ufugaji Nyuki Tabora.