WAJUMBE WA KAMATI YA FEDHA, UONGOZI NA MIPANGO YA HALMASHAURI YA WILAYA SINGIDA YAFANYA ZIARA YA KUTEMBELEA MIRADI YA MAENDELEO

Posted on: November 12th, 2024

Wajumbe wa Kamati ya Fedha, Uongozi, na Mipango ya Halmashauri ya Wilaya ya Singida leo wamefanya ziara ya kutembelea miradi mbalimbali ya maendeleo katika wilaya hiyo. Miradi iliyotembelewa ni pamoja na Mradi wa Barabara ya Mwahango-Ilongero, Mradi wa Uchimbaji wa Bwawa la Umwagiliaji katika Kata ya Msange, Mradi wa Ujenzi wa Vyumba Vinne vya Madarasa na Matundu Kumi na Mbili ya Choo kupitia mradi wa BOOST katika Shule ya Lamba, Kata ya Ngimu, na Mradi wa Ujenzi wa Vyumba Vitatu vya Madarasa na Matundu Sita ya Vyoo kupitia mradi wa BOOST katika Shule ya Msingi Munkhonola, Kata ya Mgori.

Katika ziara hiyo, wajumbe wa kamati walipongeza juhudi za wasimamizi wa miradi hiyo na walieleza kuridhishwa na maendeleo yaliyopatikana hadi sasa. Walisisitiza umuhimu wa kuongeza bidii katika kusimamia miradi ili kuhakikisha zinakamilika kwa wakati, kwa viwango bora, na kulingana na masharti yaliyowekwa. Wajumbe hao pia walitoa wito kwa wasimamizi kuzingatia ubora na usimamizi madhubuti ili kuhakikisha miradi inatoa matokeo bora kwa wananchi wa Wilaya ya Singida.

Ziara hii ni sehemu ya juhudi za kamati kuhakikisha miradi ya maendeleo inatekelezwa kwa ufanisi na inachangia katika kuboresha miundombinu na huduma za kijamii katika wilaya hiyo.