WATAALAMU WA KILIMO, MIFUGO NA UVUVI WATEMBELEA WAKULIMA NA WAFUGAJI KATIKA KATA MBALIMBALI

Posted on: April 15th, 2025

Wataalamu kutoka Idara ya Kilimo, Mifugo na Uvuvi, Halmashauri ya Wilaya ya Singida, wamefanya ziara, kuwatembelea wakulima na wafugaji katika baadhi ya Kata za Halmashauri hii, ili kujionea namna wakulima na wafugaji hao wanavyotekeleza shughuli zao.

Ziara hii imelenga, kukutana na wakulima na kusikiliza changamoto wanazokumbana nazo, na kutoa ushauri wa kitaalamu ili kuwasaidia kutatua changamoto hizo na kuongeza tija katika shughuli za kilimo na ufugaji.

Ziara imefanyika katika Kata ya Kinyeto, Mwasauya, Mntiko na Ughandi, ambapo waliotembelewa ni wakulima wa Vitunguu, Alizeti, Katani na Mahindi, pamoja na Wafugaji wa Ng' ombe na Samaki. Hata hivyo ziara bado zitaendelea kufanyika, kama ilivyo desturi ya wataalamu hawa kuwatembelea wakulima na wafugaji mara kwa mara, hususan katika msimu wa kilimo.