WATENDAJI WA KATA WAPATIWA MAFUNZO YA HAKI ZA BINADAMU NA UTAWALA BORA

Posted on: January 22nd, 2025

Tume ya Haki za Binadamu na Utawala Bora (THBUB), imetoa mafunzo kwa Maafisa Watendaji Kata wa Kata zote 21 za Halmashauri ya Wilaya ya Singida, wakiongozwa na Kaimu Mkurugenzi wa Halmashauri ya Wilaya ya Singida, Bi Janeth Mbugha, leo tarehe 22/1/2025 katika Ukumbi wa mikutano uliopo katika Ofisi za Halmashauri.

Mafunzo hayo yametolewa na wawezeshaji kutoka Tume ya Haki za Binadamu na Utawala Bora (THBUB), makao makuu Dodoma, wakiongozwa na Makamu Mwenyekiti wa Tume hiyo Mhe. Mohamed Khamis Hamad. Mafunzo hayo yamelenga kuwakumbusha watendaji namna ya kukabiliana na changamoto za uvunjifu wa haki za binadamu ikiwemo masuala ya ukatili wa kijinsia, utatuzi wa migogoro mbalimbali katika maeneo yao, pamoja na utekelezaji wa majukumu kwa  nafasi zao kwa kuzingatia misingi ya Utawala Bora.

Vilevile, Maafisa Watendaji wamepata nafasi ya kuuliza maswali kuhusiana na changamoto wanazo kumbana nazo katika utekelezaji wa majukumu yao, na maswali hayo kupatiwa majibu kwa pamoja wakijadiliana na wawezeshaji.