TIMU YA UFUATILIAJI WILAYA YA SINGIDA YAKAGUA MIRADI YA MAENDELEO YENYE THAMANI YA BILIONI 1

Posted on: December 30th, 2025

Timu ya ufuatiliaji kutoka Halmashauri ya Wilaya ya Singida,  leo imefanya ziara ya kutembelea miradi saba ya maendeleo yenye thamani ya shilingi bilioni moja na milioni hamsini na tisa (1,059,000,000/=) iliyopo katika hatua mbalimbali za utekelezaji.

Ziara hiyo ilihusisha miradi sita ya elimu na mradi mmoja wa afya, ambapo timu ilikagua maendeleo ya ujenzi na kujionea hali halisi ya utekelezaji wake. Lengo la ziara hiyo lilikuwa ni kuhakikisha miradi inatekelezwa kwa ubora unaotakiwa pamoja na kutatua changamoto zozote zilizojitokeza ili miradi hiyo ikamilike kwa wakati uliopangwa.