KIKAO CHA MIPANGO YA AWALI YA LISHE NGAZI YA HALMASHAURI

Posted on: December 19th, 2025

Mkurugenzi Mtendaji wa Halmashauri ya Wilaya ya Singida, Bi. Ester Chaula, ambaye pia ni Mwenyekiti wa kikao, leo tarehe 19 Desemba, 2025, ameongoza kikao cha mipango ya awali ya lishe ngazi ya Halmashauri kilichofanyika katika ukumbi mdogo wa Halmashauri ya Wilaya ya Singida. Kikao hicho kimelenga kufanya mapitio na majadiliano ya bajeti ya lishe, ambapo mikakati na mapendekezo mbalimbali ya utekelezaji wa mipango ya kuboresha hali ya lishe katika Halmashauri, yamejadiliwa.

Katika kikao hicho, Mkurugenzi Mtendaji alisisitiza umuhimu wa utekelezaji madhubuti wa mikakati iliyopendekezwa ili kuhakikisha wananchi wote wa Halmashauri ya Wilaya ya Singida wananufaika na huduma bora za lishe.